Պետական պատվիրատուներ և տնտեսական օպերատորներ, կիսվեք պետական գնումների համակարգի գործունեության վերաբերյալ ձեր կարծիքներով։
ՍԻԳՄԱ-ն, որը Տնտեսական համագործակցության և զարգացման կազմակերպության (ՏՀԶԿ) և Եվրոպական միության (ԵՄ) համատեղ նախաձեռնություն է, երկար տարիներ աջակցում է Հայաստանի հանրային կառավարման բարեփոխումներին։ Եվրոպական հանձնաժողովի խնդրանքով ՍԻԳՄԱ-ն գնահատում է Հայաստանի հանրային կառավարման համակարգը՝ վերահսկելու առաջընթացը վեց հիմնական ոլորտներում, ներառյալ` պետական գնումներում։ 2025 թվականի գնահատումների շրջանակում ՍԻԳՄԱ-ն իրականացնում է երկու հարցում մեկը՝ պետական պատվիրատուների, իսկ մյուսը՝ տնտեսական օպերատորների (գնումների մասնակից տնտեսվարող սուբյեկտների) շրջանում՝ պետական գնումների համակարգի գործունեությունը գնահատելու նպատակով։ Վերոնշյալի համատեքստում ՀՀ ֆինանսների նախարարության գնումների քաղաքականության վարչությունը ՍԻԳՄԱ-ին է տրամադրել ձեր էլեկտրոնային փոստի հասցեն՝ հրավիրելու ձեզ մասնակցելու 5 րոպե տևողությամբ այս հարցմանը։ Հարցման շրջանակում կարող եք արտահայտել ձեր տեսակետները և կարծիքները ձեզ տրամադրվող մասնագիտական/մեթոդական աջակցության որակի և դրա հասանելիության վերաբերյալ։ Ձեր պատասխանները լիովին անանուն են և չեն կարող հանգեցնել ձեր անձի/կազմակերպության բացահայտմանը։ Ձեր կարծիքը կարևոր է։ Մոտ օրերս ՍԻԳՄԱ-ից կստանաք հարցմանը մասնակցելու հղումը։ Ստացված պատասխանները կվերլուծվեն՝ գնումների ոլորտի մասնագիտացմանն ուղղված առաջարկություններ մշակելու նպատակով։ Բացի այդ, դրանք կօգնեն գնումների քաղաքականության մշակման համար պատասխանատու մարմնին՝ բարելավելու իր քաղաքականությունը, ընթացակարգերը և ուղեցույցները։ ՍԻԳՄԱ-ի մասին լրացուցիչ տեղեկությունների համար կարող եք այցելել www.sigmaweb.org կայքը։ ՍԻԳՄԱ-ի նախորդ մոնիթորինգի զեկույցները կարող եք գտնել հետևյալ հղմամբ՝ http://www.sigmaweb.org/publications/public-governance-monitoring-reports.html Հայաստանի վերաբերյալ ՍԻԳՄԱ-ի 2025 թվականի մոնիթորինգի զեկույցը նույնպես կհրապարակվի ՍԻԳՄԱ-ի կայքում՝ հիմնվելով ձեր պատասխանների վրա։ Շնորհակալություն համագործակցության համար։ ՍԻԳՄԱ-ի թիմ